Note To God ni Charice, hataw sa US Billboard

Hindi ko akalain na ganun kabilis ang pagsikat ni Charice sa buong mundo sa loob lamang ng dalawang taon mula nang madiskubre siya sa Youtube. Siya ngayon ang tinaguriang “The most talented girl in the word”, ayon kay Oprah.

Hindi maikakaila na malaki ang naitulong ni Oprah sa tinatamasa ngayon ni Charice. At idagdag mo pa ang legendary producer/composer na si David Foster. Kaya tiyak hindi mapapariwara si Charice.

Charice

Nito lamang Mayo 18, 2009, kinanta ni Charice ang kanyang kauna-unahang international single na pinamagatang Note To God sa Oprah Show. Napaluha si Oprah sa ipinamalas na performance ni Charice. Proud na proud siya sa dalagita dahil malayo-layo na rin ang narating nito at malaki na ang ipinagbago ng kanyang buhay. Nakabili na siya ng sasakyan at sariling bahay para sa kanyang pamilya. Kasama din siya sa pelikulang “Alvin and The Chipmunks 2 na mapapanood sa unang bungad ng susunod na taon.

Ang kanyang kantang Note To God ay pumasok sa US Billboard Hot 100 na pang #44. Nagtop din ito sa Amazon at iTunes makalipas ang ilang oras ng kantahin niya sa Oprah.

Sa kasalukuyan todo promote pa rin si Charice sa naturang single na mapapakinggan na rin sa ating mga local FM Stations simula ngayong linggong ito.