Dahil sa swine flu bawal ng mag-mall

Kasabay ng pagbubukas ng klase ngayon sa kolehiyo ay nakikiusap ang Commission on Higher Education (CHED) na huwag munang magbulakbol sa mga shopping malls bilang pag-iingat laban sa influenza AH1N1 virus.

Ito ang nakikitang solusyon ni CHED Chairman Emmanuel Angeles upang makaiwas sa malakawang hawahan. Iginiit nito na pansa­mantala lamang ang pana­wagan nila na umiwas muna sa mga malls ha­bang hindi pa humuhupa ang paglaganap nito sa bansa.

Ayon naman sa DOH ay umaabot na sa 147 na katao ang may kaso ng AH1N1 virus sa kasalukuyan dito sa ating bansa. 

Pinaalalahanan nito ang publiko na manatiling vigilante at magkaroon ng personal hygiene measures tulad ng paghuhu­gas ng kamay at pagtata­kip ng ilong at bibig tuwing uubo para maiwasan ang lalo pang pagkalat ng virus.

Ang mga nakakaranas umano ng flu-like symptoms ay dapat manatili na lang sa kanilang tahanan at magpahinga.