Aamin kaya si John Lloyd?

Pinangalanan na mismo ni Annabelle Rama ang  tinutukoy niyang ‘bastos at walang respeto’ na nalilink sa anak niya ngayong si Ruffa Gutierrez. Nagkagalit ngayon ang dalawang mag-ina at humantong sa pag-alis ng bahay ng huli sa isyung lumalabas ngayon.

John Lloyd Cruz

“John Lloyd, magpakalalake ka, okay! Kung in love ka sa anak ko, umamin ka in public! Kasi, I don’t think nakakahiya si Ruffa kung… Nakakahiya yun kung hindi mo siya inaamin, di ba? Para naman siyang kept woman, di ba?

“Kung talagang mahal mo ang isang babae, you should be proud. Kung hindi ka proud sa anak ko, o, di huwag ka nang manligaw. Yun lang naman yun, e,” pahayag ni Annabelle sa panayam sa kanya ng ABS-CBN at GMA-7 News sa contract signing para sa isang endorsement ng alaga niyang si Heart Evangelista kahapon, June 12.

Ang tanong na lang kung aamin kaya si John Lloyd kung totoo ngang may namamagitan sa kanilang dalawa? O baka naman saka lang aamin si John Loyd kapag promo na ng pelikulang ginawa niya para sa Star Cinema na kinatatampukan din nina Gov. Vilma Santos at ang anak nitong si Luis Manzano.