Cristine Reyes balik Kapuso?

Naging kontrobersyal ang paglipat ni Cristine Reyes  noon sa ABS-CBN mula sa bakuran ng GMA network. Dahil sa alingasngas ng kampo niya ay binitiwan na lamang siya ng Kapuso station at hinayaang lumipat sa Kapamilya.

Cristine Reyes

Nagagandahan ako kay Cristine, seksi at flawless pa. Kaya maraming pumapantasya sa kanyang alindog. Naging instant hit siya nang ipalabas sa Primetime ang kanyang Eva Fonda sa Kapamilya network kung saan siya ang bida. At marami ang nakapansin na nag-improved ang kanyang acting skills.

Pero matapos ang kanyang pamamayagpag sa Eva Fonda mukhang naging choosy na ito sa mga offer sa kanya ng Dos. Nariyan ang pagtanggi niya sa isang afternoon drama na pagbibidahan niya sana pero tinanggihan niya dahil aniya, marami na siyang tagahanga sa Primetime. Napabalita rin ang pagtanggi niya bilang kontrabida sa isang teleserye.

At ngayon nga, kinukuha siya ng Kapuso network para bumalik ulit sa kanilang bakuran. Nakatakdang makipagmiting ang manager niya sa mga ehekutibo ng naturang TV network sa susunod na mga araw.

Ang sabi ni Cristine inoperan siya ng Kapuso na maging kontrabida sa bagong teleserye nitong Rosalinda na pinagbibidahan ng bagong aktres na si Carla Abellana. Ito naman ay ikinatuwa niya dahil maganda naman daw aniya ang naturang teleserye.

Kung matutuloy ang pagbabalik Kapuso niya hindi ko na siya masisilayan ulit. E kasi naman solid Kapamilya ako. Teka ano naman kaya ang counter-offer ng Dos para di siya tuluyang umalis o hahayaan na lamang siyang lumayas?

Hindi kaya si Katrina Halili ang dahilan kaya kinukuha ulit ang serbisyo niya ng Kapuso? Hindi naman natin maiaalis na malaking impact sa karir ni Katrina ang eskandalong kinasasangkutan nito. Siya kaya ang  papalit sa trono ni Katrina?